مندوب خوازيق :))

طبعــا نص النــاس اللي وصلت لهنــا و أول ما شافت عنوان المشــاركه دي ,, " مندوب خوازيق " .. كلــه قال صاحب المدونــه ده واد  تلفــان وقليل الادب وعمال يخربط في الحلل :)) ,, و زيه زي اي حد من اللي بيعــبروا عن رأيهمـ بوقــاحه وقلــه زوق ...

لا الامــر مختلف .. موضوع مندوب خوازيق فهــو صفــه فينا كلنــا ,, كبني ادامين يعني ..

الانســان بطبيعتــه ميحبش يضحكـ عليــه لوحده ,, يعني مثلا انت اتنصــب عليكـ لازم تخلي واحد تاني يتنصب عليــه ,, بيكون كيف عند البني ادامـ

يعنــي انت مثلا طالــب .. روحت لمدرس درس خاصوصي :))  .. وطلــع المدرس مش اد كده ,, لازم سبحــان كونكـ طالب تقنع تلاته اربعه يجيوا الدرس معــاكـ ليــه بقى .. ؟؟ انت ادامـ حلـــين اما انكــ عايزه يجرب الدرس يمكن تطلع انت مش بتفهمـ او تخلــيه يجرب الخــازوق اللي لمؤاخذه انت لبســته ,,,

وبالمثل زي مسائل الرياضــه ,, تقولي ليــه التســويق الشبكـي انتشرب مع ان نص اللي بيدخلوا فيـــه عارفين انــه نص واحتيــال ومش هيأخدوا فلوس ولا نيلــه ,,, ارد عليكـ واقولكــ  ,, مينفعش الانســان ياكل الخازوق لواحده ,, ؟؟

وبعد التحليل اللي مش منطقي خالص ده ,, اكـــيد انتو ممكن تحددوا من علاقتكـ مع اصحابكمـ ومعارفكو مــين لبسكــو الخازوق وتقولوا عليــه مندوب خوازيق ,, ؟؟

هو في الحقيقــه بقى بعد الدراســه المعمقــه طلع مندوب الخوازيق ده مريض وان الصفــه دي صفه سيئة للغايه , الصفه دي هي عدمـ الثقــه بالنفس المخلوطه بالحقــد والخوف من شماتة الناس .. !! شئ منتهى العكـ فعــلا ..

بس فعلا لازم نتخلص من فكــره ان لازم ما اكلش الخازوق لوحدي ,, لانهــا هتتطور في حياتنا بعد كده وهتبقى نقمــه علينا اول ناس ... يعنــي قبل ما تخش في شئ جديد حاول تزود دايرة معارفكـ حولين الموضوع وتعرف هل هو صح ولا غلط ؟؟ علشـــان لمــا تلبس ..   تعرف تواجه نفسكـ وتقولها انتي غلطتي ,, مش ترمي العيب على غــيركـ علشــان متتحملش المسئوليه..
وشكــرا :))

                                                                                                       امضاء :-                 
                                                                                                         مندوب خوازيق سابق